港式蔗糖馬拉糕
馬拉糕一向都是我們去飲茶必叫點心 ^^ 不過自己整也不難。因為已整個兩次，都好成功，所以想同大家分享下。
材料：
蔗糖： 130g （可改用黑糖）
淡奶：110g(我用三花淡奶）
油：50g (屋企用開的食油就ok, 我用咗花生油，所以會有少許花生味）
全蛋：3隻
泡打粉 ： 3g
梳打粉 ： 2g
低筋麵粉 ： 120g
蛋糕模 ： 6吋
做法 ：
1 . 先將蔗糖切成細粒狀，然後加入淡奶，用細火隔水煮溶，然後放涼備用。
2 . 將雞蛋及油放進已放涼的蔗糖液內拌均。
3 . 再將低筋麵粉、泡打粉、梳打粉慢慢篩入已拌好的蛋液內。
4 . 慢慢將所有材料攪均，直到沒有粉粒，之後可再篩一次粉漿，令粉漿更加滑。
5 . 在蛋糕模低鋪上牛油紙，再倒入粉漿。記得要噔幾下，等d空氣走出嚟。
6 . 開大火，水滾才落鑊蒸，大約蒸30mins，完成。（p.s. 因為我個蛋糕模底是可甩的，所以我會將個蛋糕模放在一個不銹龬嘅碟上面，以免蒸嘅時候入水，再加上不綉龬傳熱快，唔會影響蒸嘅時間）
完成。（可以用支牙籤拮入個蛋糕，取出來支牙籤沒有黏住d蛋糕，即代表已熟）
放涼後，可以甩模啦⋯⋯
質地好軟熟，好彈。不比酒樓遜色咖 ^^
整個過程，大約一個小時便完成。輕輕鬆鬆，來一個悠閒的 Tea time ^^
