哈哈哈~ 一入淘門心似海，半年前為咗買個手機腳架，就開咗淘寶戶口，家陣乜都淘一餐，圖中嘅玻璃蛋布丁杯都係淘番來的，都不知幾驚佢送到來時變碎蛋，哈~! 好在佢又包得幾穩妥，完好無缺，不過最近淘嘅玻璃浴室磅就......，運到過來時玻璃碎滿一地，即時留言比賣家叫佢再送一個冇碎嘅比我呀~ 哈哈~其實我好有興趣響Facebook Fans Page直播分享嚇我淘咗D乜東東，當中包括煮食小工具、烘焙用品同家庭用品都買咗好多，有好多都好實用，亦有部份都幾雞肋，呵~^今次呢隻蛋杯都幾好，只係細咗少少，只裝到60ml布丁，認真滋味呀~(少食多滋味喔~hahaha~)
一般做Creme Brulee會用淡忌廉(Whipping cream)，食落會好香滑，但脂肪含量好高，為減低佢嘅邪惡指數，將淡忌廉改做鮮奶，食落仲冇咁膩添~^哈哈哈~諗諗嚇呢個應該叫做「偽Creme Brulee」，因為一D Whipping cream都冇，如果大家唔怕肥，可以將鮮奶改番做淡忌廉架~^【少脂版焦糖布丁】食譜材料: 鮮奶 180毫升蛋黃 2隻薑汁 半茶匙砂糖 18克(我選用原糖，即未經漂白的蔗糖)表面裝飾: 原糖適量做法:1)將鮮奶加熱至45度，加入糖拌勻，最後加入蛋黃拌勻，以隔篩過濾，平均倒入杯中，備用。(For 東芝水波谷友: 選微波45度加熱模式，放入爐內，自動感溫加熱完成後取出加入糖及蛋黃拌勻)
2)蓋上蓋子，以中火隔水蒸約15分鐘，熄火後焗10分鐘才取出放涼，置於雪櫃普通格冷藏，備用。(正統的Creme Brulee 做法是座熱水烤焗，但玻璃器皿傳熱快，以蒸的方法較易掌握，所以改用蒸的方法)(For東芝水波谷友: 選Steam 20分鐘，蒸好後不要取出，待在爐內10分鐘後取出)
3)於布丁表面平均灑上原糖，以火槍燒至表面微焦及形成焦糖脆片。
【焦糖布丁】表面香脆裡面香滑，作為飯後甜品或宵夜甜品一流喔~Yummy Yummy~!
(P.S.: 於5月30日拍攝咗示範短片，食譜份量有所調整的~^)請點擊播放收看→
