10日足足瘦5KG！讓韓妹為之瘋迷的「裸燕麥減肥法」，加小編私藏好味減肥食譜～！
有一樣嘢不得不承認嘅，就係韓妹對減肥呢件事真係好有心得！最近佢地又發掘咗一樣「減肥聖物」，就係裸燕麥啦！
IG @play4justina
韓國綜藝節目「살림 9담의 만물상」中有嘉賓表示將裸燕麥當早餐食，令佢10日冇做運動都瘦咗足足5KG，減肥功效超級出眾，令韓妹們紛紛入手裸燕麥～
你可能會諗燕麥日日食都未必減到肥，點解裸燕麥功效咁大？
IG @misselvani
裸燕麥低脂低糖並含豐富蛋白質、多種維生素及礦物質，每100克裸燕麥就含有15公克嘅蛋白質，而且佢非常高纖，食用後可產生飽腹感，減低進食可以減少身體脂肪積聚！
IG
你知道嗎？減肥最重要嘅唔係一味靠減少吸收卡路裡，因為你過度節食係會令身體肌肉流失，而肌肉則係減肥唔反彈嘅最主要元素！
IG @ssomdu
所以每日攝取足夠而優質嘅蛋白質對減肥非常重要，而且維持肌肉可以令你嘅線條更好睇，唔會望落得一支竹咁，亦唔會變「iPad胸」！
不過裸燕麥喺食用前要經過特別處理，唔可以好似普通燕麥咁就咁沖水食用，處理方法如下：
1.將裸燕麥洗乾淨
2.用水浸泡約2-3個鐘
3.浸到變軟同發賬
4.用平底鍋（唔會痴底嗰隻）將裸燕麥細火炒乾，備用。（小心唔好炒燶）
平日可以用脫脂牛奶或無糖豆漿等沖嚟食，若果想多一啲花款可以試嚇以下食譜：
#鮮果裸燕麥乳酪
材料：自己鍾意嘅生果果仁適量、裸燕麥50克、希臘乳酪（冇可用低脂乳酪）一杯，脫脂牛奶100毫克
做法：將裸燕麥先同牛奶攪勻，再同乳酪混合後放入玻璃杯雪過夜，第二朝加入生果果仁便可食用。
