櫻花妹身形窈窕嘅秘訣，唔瘦胸又食得飽，日本醫生推大熱「MEC減肥法」！
好多女性都怕節食搞到瘦埋胸，其實只要攝取足夠蛋白質，自然可以瘦身唔瘦胸！
IG
「MEC減肥法」係日本醫生渡邊信幸提倡，除咗可以減肥外仲可以減少生病機會，呢個減肥法自推出以來已登上日本亞馬遜排行榜TOP 10，至今受惠者多達5000人，櫻花妹十分愛！
佢嘅理論就係要俾身體該擁有必要嘅養份，非必要養分則唔需要攝取。
使用「MEC減肥法」唔需要嚴格戒口同做運動，亦冇限制食嘢次數同時間，但你需要每日攝食足夠肉類（Meat）、蛋（Egg）同芝士（Cheese），「MEC」呢個名就係由此而來～
IG
「MEC減肥法」原則有3個，分別係：
#1 每日要攝取以下份量嘅肉類、蛋同芝士
-200公克的肉類(薄肉片約8到10片)
-3隻雞蛋
-120公克的芝士(約6片起芝士)
#2 食嘢時每啖咀嚼30下
食嘢時你要將食物分成較細份，每一啖都要咀嚼30下。增加咀嚼次數除咗可加強飽肚感，更可令人更容易品嚐到食物真正味道，澱粉質類食物喺仔細咀嚼後只得返粉末口感，變得唔多好食，從而減低人對澱粉類食物嘅進食慾望。
IG
只要每日食夠以上嘅份量，可以再攝取蔬菜、豆類、碳水化合物作為輔助，而「MEC減肥法」冇限制任何食物，換言之你食咩都得！
IG
IG
對於「MEC減肥法」嘅概念，渡邊醫生表示：「MEC是以加法為概念出發，因此沒有限制食量。只有限制最低營養攝取，如蛋白質、脂肪、礦物質、維他命的攝取。若是吃了肉、蛋和起司肚子還是很餓的話，再多吃一點也無妨，也沒有特別限制其他醣類、蔬菜和豆類製品。」
渡邊醫生又解釋因為蛋白質會增加肌肉量，所以喺實行初期體重會因肌肉增加而上升，不過之後就會下降，不用過於擔心。
至於應該點烹煮肉類同蛋，渡邊醫生就建議肉同蛋可以用煎同蒸嘅方法煮熟，用鹽同胡椒調味即可，另外芝士就可以直接食用。
