譚凱琪（Zoie）、洪永城（Tony）、麥美恩同鄧佩儀等今日喺馬鞍山出席活動，着露肩裝嘅Zoie甚為搶鏡，佢話諗過做女性手袋生意，o依家搵緊外國設計師，幫手設計實用形手袋。佢仲講笑話唔介意攞「少婦聯盟」嚟賣，佢同陳凱琳、龔嘉欣、沈卓盈都唔介意做義工幫手買嘢；身邊單身嘅Tony，就話好有興趣幫手。
最近魏焌皓強吻麥明詩事件成為熱話（新聞連結：https://bit.ly/2HXJBew
），Zoie話拍親熱戲，未遇過唔開心嘅經歷，覺得溝通最重要，要問導演想拍咩、講清楚自己嘅底線同尺度，仲話覺得男人比女人更尷尬。Zoie就話自己曾經同魏焌皓合作過劇集《不懂撒嬌的女人》，不過就冇乜對手戲，反而自己同張達倫就拍合作得好愉快。至於Tony則認為身為男藝人，拍親熱戲溝通好重要，始終有身體接觸，要小心避忌吓，溝通清楚預防誤會發生。
另外，講到網購，Tony就自薦要賣自己，仲話價高者得，佢仲可以同勝出者食飯，善款就捐去自己嘅慈善機構。去過唔少地方嘅佢，仲話攞啲瑞士空氣、北極冰、非洲草、土著衫嚟買，睇吓市場有咩反應。
 被問到近日成熱話嘅「麥明詩疑遭強吻」事件，Zoie同洪永城都話最緊要預先溝通好。 |  Zoie指曾經同魏焌皓合作過，不過就冇乜對手戲。 |  今日同場仲有鄧佩儀（左）同麥美恩 |
