正所謂「人生何處不相逢」，曾華倩今日喺ig貼咗同鄭浩南嘅合照，佢話：「昨天早上，在機埸偶遇多年沒見的Mark哥鄭浩南，還在同一班飛機去同一地方。真巧合!」


52歲嘅曾華倩同53歲嘅鄭浩南，大家可能都忘記咗，原來佢哋曾經喺91年合作拍過劇集《夢裡伊人》，同劇嘅仲羅嘉良同李婉華㖭！但睇番佢哋噚日嘅合照，發覺佢哋個樣都冇乜點變，真係好似凍齡咁，依然咁索同咁型。


曾華倩除咗喺機場撞到鄭浩南外，原來佢仲撞到吳家樂同袁文傑，佢話：「還有碰到的是吳家樂和袁文傑，他們出發去國內拍攝TVB古裝電視劇。真有緣呢！」見到曾華倩同鄭浩南、袁文傑同吳家樂合照外，相中仲見到佢個囝囝林浩賢（Martin）。


原來Martin係代表香港泳隊，出發到吉隆坡參加「第61屆馬來西亞公開游泳錦標賽」，華倩真係一個廿四孝媽媽，Martin喺香港比賽，佢會到場打氣，連到外地比賽都以行動支持，真係難得。

曾華倩噚日同囝囝出發去參賽，喺機場撞到鄭浩南。(ig圖片)曾華倩原來喺91年曾與鄭浩南合作拍劇《夢裡伊人》。(ig圖片)擁有186cm嘅Martin，企喺媽咪同鄭浩南身邊，真係高人一等。(ig圖片)
華倩仲話喺機場撞到要到大陸拍劇嘅吳家樂同袁文傑，真係好有緣呀！(ig圖片)(ig圖片)(ig圖片)
(互聯網圖片)