名模熊黛林（Lynn）周日（29號）為郭可頌誕下孖女 （新聞連結：https://bit.ly/2HXY9Yh
），母女已經出院返咗屋企，由於Lynn要坐月，所以日常嘅生活小事全部由老公打點。
一早就外出嘅郭可頌，今午4點幾揸車返回北角寓所。一泊好架車，屋苑管理員已經上前同佢匯報話有好多記者。不過郭可頌乜都冇理，第一時間衝咗上樓。
之後唔夠5分鐘，榮升姑媽嘅新可盈揸車離開，佢見到有記者，第一件事係戴番副太陽眼鏡，跟住仲停正喺記者面前，開窗受訪，心情靚到不得了。問到佢孖女似邊個時，可盈都係呢句：「一個似爹哋、一個似媽媽。」佢仲話送咗好珍貴嘢BB——就係囡囡細個著過嘅衫仔，因為會帶嚟lucky：「希望可以傳俾細佬嘅小朋友啦。」
 採訪、攝影：徐錦池、畢紹基 |  郭可頌明顯一臉疲態，但仍相當警覺。 |  |
