容祖兒、劉嘉玲、吳千語、樂基兒（Gaile）、李佳芯及黃翠如等今晚喺中環ifc出席化妝品牌活動，容祖兒透露剛喺北京返港，同李榮浩合作後加深認識，祖兒大讚對方好人好gentleman，仲爆對方秘密，話同佢短訊往來時，李榮浩係用女友楊丞琳嘅表情包。講到男友劉浩龍聽晚開騷，祖兒話會去睇：「我去唔去睇唔係最重要，唔係故弄玄虛，最重要係佢有十足狀態演出，音樂會佢準備咗好耐。」
吳千語就提到早前有指佢電影公司老闆黃百鳴力捧鄧麗欣（Stephy），令千語成為棄將，千語就講：「我o依家都傾緊一套電影，係一套香港電影，公司都有份，所以唔會係，不過上年多咗時間喺國內，少咗時間喺香港。」再追問若多咗Stephy會有競爭，千語就話唔清楚：「我喺聚會見過佢，覺得各有各特色，呢個圈都唔會淨係得幾個女演員。」至於一姐地位會否受動搖，佢就再補充：「一唔一姐，呢啲都係title，不過我自己探索唔同嘅嘢，好似大陸真人騷、綜藝節目，可能時間會分散啲。」
精選娛聞，喺晒《娛果》
http://fb.com/appledailyent
 攝影：沈健程 |  祖兒今日預告定，聽晚會去出席睇師兄演唱會。 |  |
 |  |  容祖兒係咪安慰緊周秀娜，叫佢唔好為失落影后唔開心？ |
 祖兒話師兄為演唱會準備咗好多，最近師兄就有唔少練歌相。(facebook圖片) |  馬天佑 |  兩位準靚媽Jessica C同Ana R |
 吳千語 |  周麗淇 |
