舞獅界紅人「三姜」姜偉池與拍拖多年女友、藝人化妝師田田噚晚喺九展舉行婚宴。一對新人同唔少圈中人相熟，連天王郭富城、小美都俾面到賀，城城仲拖實太太方媛一同現身。據悉城城喺場內成為好多人嘅集郵對象，前有線主播王曉君都係ig貼與城城合照，留言﹕「「JT婚宴上嘅驚喜，打攪晒。」JW都有影合照，而其他賓客亦有趨前要求合照，城城亦有求必應，但就未見城嫂方媛上鏡。


同場仲有杜汶澤、麥子樂、張建聲、王宗堯等，而關楚耀、陳山聰、黃浩然等與三姜私交甚篤，仲做埋兄弟，三姜同太太仲斟茶俾黃浩然同太太KaKa(莫家嘉)飲，KaKa激動留言﹕「我細佬終於出嫁啦！冇想過我會咁激動，未飲茶就已經眼都紅哂，飲茶手都震埋，連我最熟行幫帶首飾都震到扣唔到！老實講，真係好感動，你兩個要永遠幸福快樂美滿健康。Love U two so much!!! 家姐的心聲。」


一對新人將婚宴場地佈置如舞獅搭棚般，而一班姊妹更反傳統穿上黑色晚裝，紅襯黑，真係型到爆！而席上JW同關楚耀等亦有上台唱歌贈慶，非常熱鬧。




城城帶埋老婆去飲，即成為集郵對象。(ig圖片)城城同小美俾面到賀，但都係唔見城嫂合照，好低調。(ig圖片)據悉Moka都有跟城城去飲，但就冇同人合照放上網。(資料圖片)
前有線主播王曉君都話係驚喜！(ig圖片)(ig圖片)JW開心到擘大個口。(ig圖片)
黃浩然同太太與一對新人情同兄弟，有份飲茶。(ig圖片)黃浩然都好受女士們歡迎。(ig圖片)(ig圖片)
(ig圖片)(ig圖片)婚宴現場搭建舞獅棚，相當有氣勢。(ig圖片)
一對新人切蛋糕。(ig圖片)(ig圖片)