台灣女子組合S.H.E.嘅成員Selina(任家萱)，7年前喺大陸拍攝劇集《我和春天有個約會》，拍攝其中一場爆破戲時，發生意外，導致全身有百分之54皮膚嚴重灼傷，雖然目前已經康復，但身體上仍留下一些傷痕。


近日卻網絡上就有無良嘅商家，喺Selina嘅「傷口」上灑鹽，盜用佢fb上嘅相片，仲亂P圖，改成Selina手拎住「祛疤膏」產品，宣稱植皮手術都比不上產品效果，Selina發現後，嬲到話：「有疤不可怕，無良才可怕」，佢仲話：「疤痕從沒消失，你們看到的美麗照片，都是我用真心笑容，以及大量修圖軟體完成的！」


而Selina為打擊呢啲不良商人，不得不貼出原圖，直指商家可惡，有粉絲見到後亦大鬧商家，紛紛表示話會向fb檢舉，要令店主關門大吉。





呢張係真圖。(互聯網圖片)Selina將網店嘅cap圖放上fb，叫大家不要受騙。(互聯網圖片)(fb截圖)