林峯與吳千語拍拖5年，上年多次被指分手，到咗今日，林峯終於開腔承認分手，林峯表示分開已有一段時間，未來會專注工作。（新聞連結：http://bit.ly/2tZAx1V
）
雖然林峯冇答係咪有共識由佢發表分手宣言，但同一時間，吳千語亦於facebook回應分手，留言話：「感謝各界朋友短訊關心和支持，請原諒我選擇以社交平台作一次性的回應。五年間全心全意投入的感情，要完全放下實在不容易，大家請給我空間適應，未來我會勇敢面對。」
《蘋果》問千語係咪因為林峯有第三者，主動向千語提出分手？吳千語透過發言人表示：「唔好意思，唔答！」
雖然今日林峯認分手，千語又喺facebook認埋，不過冇影響到佢嘅心情，仲同女伴去睇周杰倫，喺安歌點唱環節，被周杰倫㨂中，佢點咗《彩虹》，仲同台上周杰倫合唱，千語完全心情冇受影響。同場去睇周杰倫演唱會嘅，仲有鍾麗緹。
 |  (facebook圖片) |  (facebook圖片) |
 千語仲有同周杰倫合唱 |  |  |
 鍾麗緹都有睇 |
