位於元朗的南生圍近年是不少準新人拍婚紗照的聖地，跟附近大棠的紅葉是港人趨之若騖的郊遊景點，更有「雀鳥天堂」、「港人後花園」的美譽。不過前日南生圍發生大火，經17小時後，於昨日早上8時左右救熄，但已有大片山草地被燒毀，多處有火燒痕迹，尤幸著名景點的婚紗橋仍完好無缺。
南生圍一直是圈中人的取景勝地，拍過的劇集有《尋秦記》、《胭脂水粉》及正在播出的《翻生武林》等。電影更是多不膀數，有杜琪峯導演的《黑社會》、《放逐》、《復仇》及甄子丹主演的《殺破狼》等。不少人亦喜歡到南生圍郊遊、拍照，最經典莫過於去年初，周潤發帶同一男一女在上址拍照時，被本報讀者拍到。發哥回應大火時表示很可惜，慶幸沒有人受傷，他說：「花草好快生番，最緊要人冇事就OK！」
楊思琦昨亦有在Ig留言提起事件，她當年曾多次於南生圍拍攝外景，感受甚深，她留言：「心痛…… 我們拍戲經常在那裏取景，難得少有的綠洲美景！」曾在南生圍拍攝電影《救殭清道夫》的蔡瀚億（Babyjohn）以短訊回應：「唔止《救殭清道夫》，仲有幾部電影，有時放假都鍾意去嗰度行，大自然環境好靚，好可惜。最心痛好多動物、鳥類喺度生活，呢場火令到佢哋受到生命危險，甚至死亡。希望珍惜大自然環境，係地球上已經買少見少。」
任達華亦曾在南生圍拍攝電影《鐵三角》，他說：「晨早、黃昏都好靚，好多電影喺嗰邊拍，我哋喺入面留下好多腳印，因為嗰度啲蘆葦草生得好靚，嗰度單車徑好靚，我有時自己會入去踩吓單車，到黃昏見到蘆葦草吹吓真係好靚。以後要小心啲，注意吓山火。」
唐文龍見到南生圍災後境況感到難過，他表示大部份香港演員在該處開過工，他說：「香港自然生態唔係好多，我哋去到嘅唔多，今次唔清楚火種源頭係乜，借鏡提醒大家去注意山火。」
蕭正楠在近日播出的劇集《翻生武林》中，試過連續八至十日在南生圍開工，他說：「嗰度係真係好靚，咁樣燒都幾可惜，拍外景亦少咗個地方，其實真係好有感情，有條木橋睇住佢重建，睇住佢爛又重建。」黃翠如透露曾經同韓國電視台合作，韓國攝製隊都大讚環境好靚，所以希望大家保護香港僅餘的自然環境。
