前無綫女藝人劉綽琪喺1997年參加港姐入行，除咗拍劇同做主持之外，亦有參與電影演出，劉綽琪喺2008年離開香港，移居去美國生活，喺2015年同外籍男友結婚。
日前張文慈喺IG貼出同劉綽琪嘅合照，原來最近劉綽琪返咗嚟香港，趁機會同好友聚會，不過今日有周刊報道指，劉綽琪啱啱經歷咗喪夫之痛，喺結婚前劉綽琪已經知道外籍男友患上淋巴癌，但係佢依然堅持要結婚，當時喺荷里活有唔少工作機會，不過劉綽琪停工專心照顧老公，珍惜彼此相處嘅時間，遇到呢位人生最愛，陪伴老公度過最後時間，婚後第二年，老公敵不過病魔。
報道仲話劉綽琪喺14歲嗰年，曾目睹媽媽上吊自殺，佢用咗差唔多10年嘅時間先放低呢件事，今次面對摯愛離世，劉綽琪本身有宗教信仰、性恪硬淨，加上老公遺願係希望佢開心，所以劉綽琪總算走出哀傷路，之後會好好生活。
其後周刊亦向劉綽琪了解，佢有啲愕然話事情已經發生咗，冇必要再講，佢又話自己好早經歷過呢啲事，對生與死都好容易放低，而且已經有心理準備，所以喺情緒方面唔會受太大影響。今日劉綽琪喺fb轉發報道，稱唔需要擔心佢"No need to worry about me, I am perfectly fine! Sorry to have involved pinky so so sorry"……
 劉綽琪喺15年經歷喪夫之痛，佢為咗老公，繼續開心生活！(ig圖片) |  劉綽琪喺ig留言叫大家唔使擔心佢。(ig圖片) |  |
