韓國神劇《太陽的後裔》嘅宋慧喬同宋仲基於去年10月舉行世紀婚禮，當時喬妹嘅花球都花盡唔少心思，花球用咗外國進口嘅鈴蘭花，花語係「幸福一定會到來」，索價預計要1,000萬韓圜（約7萬港元），而當日喬妹初頭因為拋花球拋得太細力，接連拋咗三次後，最終喺第四次先成功拋到去幸運兒手上。
不過當時大家都唔知邊位幸運兒成功從喬妹手上接過花球，而根據台灣傳媒報道，根據網民搜集得來嘅資料顯示，原來成功接到花球嘅係一位喬妹嘅圈外好友，據了解現場一位戴眼鏡嘅女士成功接過花球，佢本身係一名畫家，同喬妹十分老友，宋仲基同喬妹進場時，見到女方都即時鞠躬打招呼，可見雙宋同女方好熟絡。
 |  當日喬妹興奮拋花球，不過要到第四次先成功 |  原來就係圖中嘅戴眼鏡女子成功奪得喬妹嘅花球 |
