單親媽媽唔易做，楊思琦喺2012年誕下囡囡楊卓穎（Krystal），之後一個人搵錢養大個女。思琦向來唔理旁人目光，總之事事以阿女行先，昔日嘅「思琦妹」，如今已經變成「思琦媽」，為咗個女真係幾辛苦都冇計！
上月底，思琦就冒住霜凍警告開工。傍晚近5點，思琦駕車住前往北角渣華道一間傢俬店拍攝硬照。甫落車，思琦仍穿上一件厚厚嘅黑色長羽絨褸，入到店內，思琦好快就進入狀態，立即除掉外套，原來裏面一早着咗一件紅色火辣辣嘅低胸連身裙，盡顯曲線玲瓏身段。
今年8月，思琦就40歲，雖然已經係一女之母，但身材依然冇走樣。除咗33C咪咪夠堅挺，仲有24吋纖腰同圓潤美臀，難怪喺落地玻璃窗外，仍吸引唔少途人圍觀。不過，唔知係咪條裙太貼身，思琦拍攝時不時抽起領口位，又隔住條裙整理內褲，動作有點不雅。
拍攝期間，工作人員不時遞上熱茶畀思琦取暖，大家約45分鐘後便完成工作。思琦亦好識做，換回便服仍逗留約10分鐘與工作人員拍攝及寒喧幾句，之後就由助手陪同下離開。
被問到keep fit心得？思琦透過電話回覆《蘋果》話﹕「我好鍾意食嘢，最好少食多餐啦，唔好食到十成飽，同埋最重要食早餐。」思琦表示平日仲有做拉肋運動，佢話﹕「呢排太凍脹咗少少，春天會開始郁吓，會勤力啲做拉筋，踢腿都重要，有助修腹。」
 思琦雖然已經生咗囡囡卓穎(圈圖)，但身材依然keep得咁fit。((攝影﹕徐錦池、吳耀輝) |  落車仲着住件大羽絨褸。 |  一埋位就戰鬥格咁款，原來裏面有件火紅色貼身裙。 |
 思琦好想睇吓自己影得靚唔靚，不經意烏身。 |  思琦真係冇肚腩，超fit！ |  可能太趕，思琦突然伸手整內褲，動作有點不雅。 |
 因為高踭鞋太高，上落要助手扶住。 |  仲有S型背面 |  換完衫，思琦都要飲多杯熱飲暖暖身。 |
