眨下眼，咦，咁又17年喇。
2001年2月8日，元宵節翌日，袁詠儀同張智霖喺拉斯維加斯註冊結婚，當時兩人因為怕影響事業發展，所以一直冇認，男嘅仲話三十歲前唔結婚添。直至06年5月靚靚宣佈懷孕，當時佢話：「係咪結咗婚，我唔會否認，但亦都唔會親口承認，你哋自己諗啦！」直至翌年11月張智霖喺囝囝出世之後證實早已結婚：「係好耐之前嘅事，總之喺地球結啦。」
兩人93年因拍攝《邊緣浪子》邂逅，翌年公開承認戀情，之後共賦同居，眨下眼仲結咗婚17年。兩人索性出埠慶祝，地點係——馬來西亞。
今日一大早，張智霖喺微博上貼出兩人合照——排坐著、手臂高舉、甜蜜牽手，只留給鏡頭一雙恩愛的背影。張智霖為張相寫咗五個字：「十七年快樂！」仲有一對男女、花花同心心嘅圖案。而靚靚轉發咗呢條微博，仲話食咗燭光晚餐，包括飲肉骨茶同桔仔水……除咗咁，靚靚仲放多咗一條片，用佢哋結婚、拍拖嘅生活相串起咁多年嘅經驗，間中搭下港鐵，有時囝囝又會入鏡。
總之就好似啲人留言咁，一句講晒：「看你倆恩愛！比我自己戀愛都開心！」
 |  執子之手 |  |
 |  2017 |  2016 |
 2015 |  2014 |  |
