梁詠琪（GiGi）、楊采妮（Charlie）、蘇麗珊、胡子彤等人今日去到太古擔任Dior期間限定店開幕嘉賓。
GiGi話成半年冇見過Charlie，好開心可以聚下舊，知唔知Charlie有冇帶埋孖仔嚟？GiGi話：「應該冇，因為香港好凍，同埋流感好勁，唔帶都係好。」天氣凍同惡菌，連小學都要提早放年假，GiGi又透露：「上星期開始自動幫阿女停學，每個父母都有唔同決定，始終都係學前班，返少幾日冇所謂，健康最緊要。」佢話有聽醫生建議打咗流感針。
今日謝安琪（Kay）喺WhatsApp group嘅錄音流出，抒發佢對流感針嘅見解（新聞連結：http://bit.ly/2BjHH3k
），GiGi話都知道有段錄音：「可能佢講嘅原意有唔同，應該都冇打算公開。自己同其他媽咪都會討論，不過好少喺group講，都係見面傾。大家介紹下營養食品，都會研究下啲食療。」
囡囡冇得返學，GiGi話會同解釋：「不過阿女話好掛住啲同學仔，但喺屋企太悶，所以都會帶佢出街，去啲空氣流通啲嘅地方。」
 梁詠琪（GiGi）今日去到太古擔任Dior期間限定店開幕嘉賓。 |  流感肆虐，GiGI都話自動叫囡囡停學。 |  |
