蘇玉華今晚喺沙田出席一個講座，主題講「演員的生命」，分享演員生涯遇過各樣經歷，阿蘇話：「我會講真實嘅一面畀學生聽同了解，關於演員所行嘅路，我都想知自己喺觀眾、學生留下啲咩形象，點睇我做演員，同點影響到佢哋。」會唔會建議學生入行要三思？佢話：「如果對演員有興趣，學生想入行嘅話，我會鼓勵，演員對社會都起到正面作用，同律師、醫生同等。」
講到阿蘇噚日幫黎瑞恩拍MV，佢話：「係呀！喺沙灘拍，小恩子話自己唔想上鏡，想搵演員幫佢拍，今次第一次參加MV演出，以前從未拍過，對我嚟講係一個大挑戰，好好玩，唔需要特別情節，噚日拍攝時天公造美，本來陰天，拍拍下晴天。」知唔知小思子患咗乙型流感入院？阿蘇話：「噚日到場至知，原本話佢會嚟現場，我都係經導演口中知佢病咗，唔知係流感，冇人同我講，只知入咗院，我冇佢電話，希望佢快啲好番睇到自己嘅MV，真係唔知佢咁嚴重。」
 蘇玉華今晚喺沙田出席一個講座。 |  阿蘇話：「我會講真實嘅一面畀學生聽同了解，關於演員所行嘅路。」 |  佢話：「如果對演員有興趣，學生想入行嘅話，我會鼓勵。」 |
