方媛（Moka）去年嫁俾天王郭富城，仲幫生埋囡囡Chant，做咗媽媽之後，Moka久唔久喺微博分享工作照，不過佢主力都係湊女，Moka更不時被影到同城城一齊出動，但如果城城要開工，佢就自己一個行街。
日前晚上7點半，佢現身中環置地廣場，仲去咗一間名牌皮具專門店shopping，呢間名店有3層高，職員見到城嫂嚟到，仲索性鎖埋玻璃門，等Moka可以喺無憂咁慢慢睇。Moka仲行晒咁多層，期間佢仲睇中一對男裝麂皮皮鞋，又左揀右揀，不過最後都係空手而回。
行完之後Moka仲行職員通道落咗下一層，原來係去咗洗手間。之後Moka再度現身，記者問到佢有冇收穫，佢就話：「只是閒逛一下，沒有目的。」再問到嚟緊新年會唔會返鄉下過年？Moka就話唔會，至於城城呢？Moka就話今日冇嚟。
Moka行行下似乎蕩失路，原來佢係想離開商場，最後喺記者指引下離開，其間Moka講笑咁反問記者點解次次嚟行街撞見記者。
出到去商場門口等七人車嚟到期間，Moka拎手機出嚟疑似打視像電話俾老公城城，不過佢就貼晒面咁講視像電話，睇嚟就係同老公「報到」，真係sweet到呢，然後佢就上車離開。
 攝影：黃曉程、朱志聰 |  日前晚上7點半，Moka現中環置地廣場。 |  仲去咗一間名牌皮具專門店shopping。 |
 |  佢話今日冇收獲，只係行一下，冇目的咁話。 |  |
 出到去商場門口等七人車嚟到期間，Moka拎手機出嚟疑似打視像電話俾老公城城。 |  |  |
 |
