之前大台頒獎禮，賽果同呢幾日天氣一樣咁冷，台慶劇《誇世代》最後跑出，喺分到一個大大大獎「最佳劇集」，有好成績自然要慶祝啦，所以今日歐陽震華、陳豪、張繼聰、邵美琪、江美儀、麥明詩等都就喺尖沙嘴出席慶功宴。
等等先，張繼聰？
上年11月，有傳闆蕭定一同大台因為超時補水睇法有出入，令張繼聰無辜遭封殺。張繼聰之後拍片承認暫時唔會出現，仲話會以自己方式宣傳套劇。（新聞連結：http://bit.ly/2B7cQn3
）
呢次破冰，張繼聰話公司之間嘅問題未解決，但唔會影響慶功，而今次亦唔係「破冰」。雖然唔出席大台，但呢次私人活動就冇影響。
依慣例，缺席頒獎禮就冇獎拎，問到張繼聰有冇唔開心？佢話：「自己知自己事，我成日食白果，可能就係因為我唔喺度先至拎到獎。」仲多謝網民讚套劇有創意：「其實編劇、導演、監製等幕後都花盡心思，始終大家對TVB劇集都有一定期望嘅。」佢仲話自己喺TVB工作過，其實公司內有好多同事都想做好啲，出盡全力0架！
 |  張繼聰出席《跨世代》慶功，但呢個慶功係私人名義搞，唔係無綫官方，所以……佢出席得。 |
