33歲台灣女星許瑋甯與阮經天拍拖8年，男方多次被發現偷食，2015年3月更被指搭上「謀女郎」周冬雨，男方曾極力挽留感情，發表「許瑋甯依然是我女人」宣言，更失控狂罵網民﹕「去死吧！」可惜許瑋甯仍是決心斬纜。不過分手後，二人又不時傳出復合，關係似乎欲斷難斷。
直至去年10月，許瑋甯身邊終於出現新嘅另一半，被影到與身高六呎嘅攝影師劉又年一齊甜蜜睇電影。最近兩人感情升溫，噚日被台灣《蘋果日報》影到男方喺許瑋甯香閨出現，似乎已到同居階段。
近日台灣天氣都唔穩定，陰天有雨，許瑋甯同男友就兩個人撐住一把傘離開寓所。見劉又年好細心，一邊撐雨傘一邊拖住許瑋甯隻手，當雨越落越大時，佢就主動將雨傘傾向許瑋甯一邊，自己淋雨都冇所謂，用行動宣告舊愛阮經天正式出局！
之後兩人到附近餐廳食飯，由許瑋甯負責點菜，劉又年冇畀意見，只係靜靜望住女朋友，食完飯又一齊返去女方屋企。問佢哋約會細節，許瑋甯經紀人只答：「謝謝關心啦！這些就不多說了。」
 阮經天同許瑋甯正式玩完，許瑋甯日前被影到拖新歡返香閨。(台灣《蘋果日報》) |  兩個人一把雨傘，劉又年仲將雨傘傾向許瑋甯，怕女友淋濕。(台灣《蘋果日報》) |  (台灣《蘋果日報》) |
 食飯都係由女朋友點菜，男友零意見。(台灣《蘋果日報》) |  阮經天同許瑋甯都曾經係好甜蜜嘅一對。(網絡圖片) |  年前傳周冬雨介入，致阮經天同許瑋甯8年情玩完。(資料圖片) |
