被稱為「不能錯過的女友」的唐詩詠，做咗視后之後，是非一直沒完沒了。重點包括：
1.疑以約換獎
2.蔡思貝獲獎時，唐詩詠被指「黑面」
3.之前係「民間視后」，得獎後卻被網民話「只係女配角」。


咁，點解個個領獎一刻都唔講，只係講蔡思貝得獎唐詩詠黑面呢？因為洪永城。


去年5月16日，唐詩詠洪永城宣佈分手。兩年半情畫上句號。盛傳第三者就係被喻為新一代「發電機」嘅蔡思貝。


當時傳聞係話，洪永城同蔡思貝長駐佛山趕拍劇集《大帥哥》，之前試過夜載蔡思貝，又搵藉囗扮攰雙雙離隊，仲話劇組人員曾半夜三更見到蔡思貝喺男方酒店房步出，最後詩城分手。


洪永城其後受訪話唔係事實，唔想牽涉到其他人在內，仲話：「思貝係我同事、朋友」；蔡思貝就叫大家唔好拖佢落水，自己好無奈。咁啱有一日三位當事人都齊集電視城。記者追問有傳佢同洪永城分手係因為蔡思貝？一直保持笑容嘅唐詩詠越行越快，冇點頭亦都冇擰頭，急步離開。事後佢解釋趕住走嘅理由係「嗰陣落緊雨呀」。


依家洪永城再密密發功，疑是想復合。的而且確佢近來真係乖咗，冇女埋身，「淨身」等唐詩詠回心轉意咁。依家唐詩詠成圍攻目標，城哥有冇計解圍加分？


有人又質疑，喺頒獎禮台上，蔡思貝先喺台上講到選完港姐之後，一路都受到好多網民負評，做咩都唔啱，睇啲comment睇到唔鐘意自己。咁啱呢，接住得獎嘅唐詩詠，致辭時就話要多謝網民，要人唔鍾意你好難，要cap圖轉載更難，兩段說話相輔相承，唔知有冇關係呢？