姚子羚今日擔任旺角一個狗狗時裝展嘅揭幕嘉賓，子羚拖住狗狗模特兒出埸時，狗狗唔係太合作而左右行，幸好子羚靠耐性去處理。適逢嚟緊係狗年，子羚指不少客戶都想邀請佢同愛犬「通仔」出席活動，佢都有諗過，兼且構思將「通仔」酬勞捐畀動物慈善團體。
前晚失落了女配角獎，子羚坦言無感到失望，佢指自己投票畀林淑敏，因為演處境劇可以受觀眾同網民喜愛係非常困難。當講到未能同陳山聰再一次一齊得獎，佢表示呢個位就有少少失望，不過能夠親手頒獎畀山聰，佢都非常激動。農曆新年將要拍劇，未能跟男友外遊，但計劃跟好姊妹們去個短旅行，問到狗年會否拉埋天窗？佢話：「暫時唔會，賺多啲錢先，供樓好貴。」
 姚子羚今日擔任旺角一個狗狗時裝展嘅揭幕嘉賓。 |  子羚拖住狗狗模特兒出埸時，狗狗唔係太合作而左右行，幸好子羚靠耐性去處理。 |  |
