昨晚大台舉行台慶頒獎禮，連繽三屆提名「最佳男主角」的王浩信，終於憑《踩過畀》成為視帝。
出席頒獎禮，落力打扮一向都不只是女星們專利，男星們都一樣各出奇招，王浩信昨晚揀穿了Lanvin踢死兔，一身官仔骨骨造型，加上Model般身型，相當有型，黑色踢死兔上飾滿星星刺繡，搭配黑恤衫、黑西褲、黑皮鞋，低調穩陣又帶一點閃耀細節，而頸上的煲呔亦極為吸睛，來自本地珠寶品牌Project KC，以24K黃金打造，夠晒矜貴，不過王浩信領獎時就換番黑色煲呔，走番低調路線。
 王浩信穿Lanvin踢死兔亮相頒獎禮，官仔骨骨好有型。 |  黃金煲呔好吸睛。 |  |
 Lanvin tuxedo |  本地珠寶品牌Project KC 24K黃金煲呔 |
