姚子羚今日喺尖沙嘴出度東華嘅一個慈善晚宴，姚子羚話自己都係讀東華嘅學校，仲同崔建邦係同學，又話當年崔健邦英文同口才都好好，問到崔建邦以前係咪成日撩女仔，佢就話唔係，仲爆佢以前有個好朋友暗戀崔建邦。姚子羚呢晚負責行騷，佢話好多年都冇行過，但都好有信心。


最近有傳胡杏兒同奶奶嘅關係有啲緊張，問到姚子羚有冇搵過杏兒？佢就話：「唔係吖，佢奶奶對佢好好，佢哋關係都好好，有時杏兒畀啲片我哋睇，都係奶奶抱住。同埋結婚嗰時都要過奶奶嗰關啦，依家仲話追第二個，肯定冇事啦，今日杏兒搞百日宴，希望一陣可以過去搵佢啦。」


姚子羚未去得到百日宴，林奕匡同佢老婆就一定有去。林奕匡喺ig就貼咗相，胡杏兒抱住BB再同埋老公phil一齊合照，見到會場有好多汽球佈置咗個森林，有獅子、長頸鹿同馬騮，蛋糕都好有森林feel。



姚子羚話一陣要去胡杏兒個仔嘅百日宴。（攝影：林賓尼）攝影：林賓尼
ig圖片ig圖片林奕匡率先貼相，見到現場好多汽球佈置成嘅動物。（ig圖片）