菲日混血女星高橋Maryjun近日推出半自傳新書，講述自己坎坷半生經歷，以及透露前年秋天證實患上子宮頸癌，幸而現已康服。


現年30歲嘅高橋Maryjun透露於2016年秋天感到身體有異樣，逐到婦科進行身體檢查，最終證實患上子宮頸癌，佢透露聽到醫生建議，如癌細胞轉移佢需接受抗癌治療或要將子宮切除，即時感到好痛苦因為抗癌藥物昂貴，但佢亦想保留子宮。


高橋於書中亦提到於2013年曾患上潰瘍性大腸炎，以及中學時期屋企經營嘅公司破產嘅經歷，現時佢仍要為屋企還債，不過高橋Maryjun仍寄望未來會有個幸福嘅人生。高橋透過當模特兒出道，近年不乏演出機會，曾演出電影《浪客劍心：京都大火篇》，近日亦有份參演深田恭子與松山研一新劇《鄰居家的月亮比較圓》。