現年60歲嘅爾冬陞（小寶）今日被爆出同第二任妻子、比佢細13歲嘅幼稚園教師羅曉文喺去年年中正式離婚，而小寶年前發展另一段新戀情，其女友喺兩年前為他誕下女兒Teresa，不過小寶接受訪問嘅時候，未有透露女友身份，只係話好滿意o依家嘅關係，暫無意再婚。
小寶嘅前妻Mandy今日接受《蘋果》嘅電話訪問，講到小寶承認有新戀情兼做咗爸爸嘅事，Mandy話：「睇咗報道，點解分開爾生話係乜就乜。離婚係舊年嘅事，搞掂咗。」問到佢離婚係咪同第三者有關，佢喺電話度沉默咗一陣先話：「都離咗嘞。」
喺15年小寶曾經同電影《我是路人甲》女主角王婷傳出緋聞（新聞連結：http://bit.ly/2DnPezn
），於是問Mandy今次離婚與王婷有冇關係，佢就話：「唔係，唔係佢，不過BB女同媽咪嘅嘢你問返爾生喇！」曾經有一段時間，Mandy為小寶打理電影公司嘅業務，o依家佢哋已經離咗婚，關於工作上嘅安排，Mandy話：「可以直接打去佢公司，佢嘅秘書轉達俾佢聽，我哋o依家唔再係合作伙伴，只係朋友關係。」
