o依家呢個世代，唔止電話要多功能，就連人都要多功能，就好似古巨基咁，除咗係歌手之外，又係餅店老闆、又係MV導演、又識畫漫畫、仲搞埋時裝。
而佢最新搞作就係擔任好友周慧敏（Vivian）嘅演唱會總監。Vivian今個月尾開騷，身為總監嘅基仔就喺自己IG表示，要為演唱會籌備做最後衝刺：「作為Vivian演唱會總監，我今天跟演唱會服裝大師Kenneth繼續傾談周小姐的衣服事誼。看他office工作牆上累積30年的工作證，跨越不同年代歌手，見證香港的音樂進化，好勁！」
其實基仔都好勁o架，事關今日凌晨，佢又出post，佢話係為咗四月份時裝周的設計通宵趕工，仲搞到成面鬚根都「標」晒出嚟。
 古巨基為好友周慧敏演唱會籌備做最後衝刺 |  今日再出post為咗四月份時裝周的設計通宵趕工，仲搞到成面鬚根都「標」晒出嚟。 |  |
