洪羅拔因肝癌病逝，終年61歲，今日在紅磡世界殯儀館設靈，其生前好友廖安麗、林韋辰、郭政鴻、孫名翠、好友蔡一傑、契仔胡斐、劉雅麗、蔡一傑和蘇志威分別前來致祭。


約四點半幾位喇嘛到靈堂開壇打點播放經文，堂内兩部電視機播放洪羅拔生前同好友相片和片段。姪仔Ricky接受傳媒訪問時透露喪禮會以藏傳佛教儀式舉行，是阿叔多年宗教信仰，一家人關係都好密切。


問到洪羅拔離世時候有冇痛苦？Ricky話：「冇乜，不過當然都覺得突然，因為走之前兩日仲去緊剪頭髮，準備過生日。」至於遺願？Ricky就話：「其實之前都交底晒，主要係叫我地唔好咁傷心，因為個病都大約四至五年，每年都有去做療程，最終打敗左，今次係復發，阿叔已經有心理準備，亦積極開心樂觀面對，唔怕面對死忙。」洪羅拔明早10點大殮，12點出殯往歌連臣角火葬場，稍後會安放沙田寶福山。



攝影：陳俊強洪羅拔今日在紅磡世界殯儀館設靈。好友廖安麗前來致祭。
姪仔Ricky接受傳媒訪問。