一年一度嘅台慶頒獎禮將會喺呢個禮拜日，即係21號舉行，今年嘅競爭好激烈，視后方面，除咗同樣憑《不懂撒嬌的女人》分別獲提名嘅宣萱同唐詩詠，被列為大熱門之外，仲有鮑起靜、李司棋之外，李佳芯亦都被睇好！
效力咗無綫13年嘅詩詠，佢好坦白話今次係最接近「視后」呢個獎項，喺機會難得嘅情況下，當然把握每個拉票機會，好似日前佢去咗哥哥任職嘅銀行annual dinner，據知詩詠哥哥係擔任高層，今次帶埋妹妹唐詩詠去，仲一齊上台做司儀，當晚除咗詩詠，仲有陳瀅做嘉賓。現場人士指佢哋兩兄妹，幾合拍，台上面互爆家事，詩詠笑大佬細個蝦佢，又拎佢啲信睇，而詩詠哥哥其實好錫個妹，喺台上面不停幫阿妹拉票，叫大家投票，投詩詠一票，詩詠大佬第一句開場白就講：「請我哋來除咗做MC，最主要係拉票。」
講到哥哥大大力拉票，日前詩詠接受傳媒訪問話：「係呀！同佢一齊做MC，都係第一次一齊做，阿哥好難得，叫人去投票，但係佢自己仲未投票。」唐哥咁幫手，兩兄妹感情係咪好好？詩詠就話：「屋企得我兩個，但係我哋好少見，難得一齊合作，好開心，好少可，佢仲會出口支持我。」詩詠點解咁講嘅，佢話：「係呀！我哋全家都鍾意唔講野，佢咁講，好感動，在心中。」
 |  效力咗無綫13年嘅詩詠，佢好坦白話今次係最接近「視后」呢個獎項（資料圖片） |  |
