蓋鳴暉（Joyce）今日到商台接受李居明節目訪問，嚟緊賀年佢哋合作新戲《美哉秦少游》，亦係兩人第9年合作，李師傅指Joyce唱女腔原來好正，所以今次戲譜特別安排佢唱一段唱女腔。


喺節目中李師傅幫Joyce算到佢嘅老公星同名氣星係同一粒星，所以Joyce只可以二揀一，加上如果Joyce揀老公會被老公分薄名氣，甚至老公會因投資失利而被分一半身家，Joyce聞言即表明揀名氣，佢話：「聽到時有啲絕望，不過當初入行都知呢個職業難搵到情侶，因為對手都係女性同長輩為主。」另外，李師傅指近年粤劇暢旺，原因係香港人口老化，所以多咗人學唱粤曲，便帶動粤劇發展。