大台嘅台慶劇《誇世代》今晚就大結局喇，成套劇有名你叫「誇」，所以劇情都係有咁誇得咁誇，一開始大家以為只係交換身體嘅劇，但其實就唔係咁簡單，又有穿越、尋親、報仇、親情等等，真係乜都有。


而去到大結局，可能因為係台慶劇嘅關係，所以都係大團圓結局，冇人死、冇陰謀、冇BBQ，去到最後仲有片尾彩蛋，呢個可能係最精采嘅一幕喇。


套劇去到最後，有個婆婆出場，去咗嗰個奇幻磅重機度，拎咗一張「回到28歲」嘅卡，捽咗兩下，就真係變返做28歲，而演28歲嘅演員，好驚喜地係佘詩曼喎！唔知呢個會唔會準備伏線拍下集，由變返後生嘅佘詩曼講起呢？

(電視截圖)有坤哥攞獎嘅劇情 (電視截圖)(電視截圖)
陳豪生仔喎 (電視截圖)(電視截圖)大團圓結局 (電視截圖)
呢個係唔係下集伏線先？ (電視截圖)(電視截圖)