入行咁多年，好多時間都係受盡批評，不過用番實力話你知，佢係可以拎金獎嘅。
衛蘭今年喺容祖兒、楊千嬅缺席之下，第一次拎到叱咤樂壇女歌手金獎。少爺占喺台上宣佈一刻，衛蘭開心到喺台下攬咗攬側田，因為太驚喜，衛蘭一路行上台一路伸脷。
衛蘭04年出道，佢喺台上話：「其實我都等咗12年，好感恩，感謝主，感謝903。我知道發生咗咩事。」除咗多謝主，佢仲多謝咗一個人，就係舊老闆黎明：「多謝舊老闆Leon，佢俾咗好多好歌我，先有機會嚟到今日。」之後衛蘭先再多謝現時公司華納，講明知道自己發生咩事，所以佢亦有多謝各位嘅耐性，佢話：「我好收埋自己，學習緊多啲表達自己。」
 喺台下攬攬側田。 |  等咗12年，首次拎女歌手金獎。 |  |
