喺勁歌總選第8部份，先由ToNick同Supper Moment合唱出今年大熱歌《長相廝守》、《說再見了吧》同《喜氣洋羊》，然後頒發最佳樂隊組合獎，銀獎同銅獎嘅得主分別係Supper Moment同ToNick，佢哋得知對方攞獎時兩隊主音都有互攬祝賀，其中ToNick更憑《長相廝守》攞到勁歌金曲獎，佢哋話：「好興奮，攞到金曲獎係對我哋嘅肯定，多年努力都冇白費。喺呢度攞獎好有意義，因為我哋2007年第一次攞獎都係呢度，多謝趙增熹，上年做樂手同你一齊，今年可以企喺你前面攞獎，好有意義，多謝歌迷，係我哋嘅戰友。」
金獎落喺C AllStar手上，同時佢哋憑《一刻戀上》攞到勁歌金曲獎，安仔話：「2017年宣佈休團，之後有好多唔同嘅人支持呢個決定，2018年，我哋會化整為零重新出發。」
到第9部份，泳兒憑《習慣愛你》攞完勁歌金曲獎後，輪到頒發「最高人氣歌星獎」，由周柏豪奪得，佢仲再度唱出《天網》。
之後蔣志光出場頒最佳演繹男歌星獎，由胡鴻鈞奪得，佢講感言時話：「今年對我嚟講係豐收年，唔係得到幾多獎項，而係得到大家嘅支持、信任同愛。」仲話會做番好歌手本份。至於最佳演繹女歌星係菊梓喬，佢講感言時好激動，多謝老闆時仲話「我唔講得咁咩，我驚我喊」，之後仲話多謝fans，佢話：「你哋辛苦喇，風吹雨打，希望我可以做番大樹守護番你哋。」
全晚最後兩首勁歌金獎由李克勤嘅《C3PO》同《失魂記》奪得，講感言時，克勤疑被工作人員喺台下催促，所以佢就話：「你『撩』呀？咁我講快啲囉！」跟住真係講完感謝名單後就收聲，之後麥明詩同時宣佈《失魂記》同時奪得勁歌金曲金獎，克勤得獎後話自己喺今年年頭同容祖兒湛江做演唱會，缺席勁歌總選感到唔好意思，所以承諾今年一定要出席。
到頒發全晚最後一個獎——最受歡迎歌星獎時，大會安排最後五強上台，包括胡鴻鈞、周柏豪、李克勤、菊梓喬同鄭俊弘，最後落喺李克勤手上，佢先合十鞠躬，又同身邊歌手逐個握手，佢望住獎一陣先開始講感言：佢話：「呢一個獎對我嚟講係一個好深厚感情喺度，好多年前做《勁歌》主持，大家出世未？我由監製到音響等都好熟，所到嚟呢度，無論有幾多改革變化，份情都係喺度。同大家分享少少嘢，之前攞過3次，最後一次係06年，即係11年前，其實無論係年輕或年長、資歷深或淺嘅歌手，每個獎項都經過好大好大努力、團隊支持，加上幸運先可以成就獎項，到今日我可以挺起胸膛嚟攞獎，呢個11年後嘅歌手獎，唔知下年係咪我。」佢仲話拎得起要放得低，佢又勉勵大家喺2018年要努力。
訪問嘅時候，克勤講到今天其實好緊張，因為仲有啲感冒：「聲音不太好，昨天晚上唱了不太滿意，有更多的人會看到，未出場中午，難開聲。」
克勤之前幾年都有嚟攞獎，佢話：「內地巡迴特地過來頒金曲金獎，有點不好意思，可以親身上來，答應人家的東西，他們把男女歸一起，我能評好或不好，感情上有論怎麼都好，我們的情意都還在，最後一次拿是06年，那是第3次，舞台上說我要結婚，結婚後就留在家帶小孩，沒想過再拿到大獎，我看到到那個獎內心是蠻激動。」
講到商台嘅頒獎禮，佢就話：「很難說，一直都因為我的歌曲比較商業，他們是年輕人的電台，在那邊的成績都不是很好，希望今年可以能夠有一點點小小的進步，現在是商業的社會，不是幾個人可以解決，希望所有的唱片公司都可以來，我真的不清楚他們為甚麼不來。」
 |  大會安排最後五強上台，包括胡鴻鈞、周柏豪、李克勤、菊梓喬同鄭俊弘，最後落喺李克勤手上。 |  |
 佢仲話拎得起要放得低，佢又勉勵大家喺2018年要努力。 |  全晚最後兩首勁歌金獎由李克勤嘅《C3PO》同《失魂記》奪得。 |  |
