賭王三房索千金何超蓮呢排忙幫屋企手，搞澳洲酒店項目，同做搞手嘅慈善活動。忙完一輪嘅超蓮就終於有時間約朋友去街，日前夜晚9點幾，見佢同一對男女友人就喺大坑一間甜品店出現。頭戴黑冷帽同着住件黑衛衣及超短褲打扮嘅佢都唔係太怕凍，露出雙腿，佢哋企咗喺舖頭門外研究一輪，最後都係無幫襯走人。
三人去到附近嘅便利店，就同女友人掛住望雜誌，而男友人就周圍行，之後男友人就拎咗一粒「大金莎」包裝朱古力畀超蓮研究，見超蓮好好傾同keep坐笑，不過研究完一輪都係決定唔買，而女友人就負責揀零食。眾人步出便利店門口，超蓮即幫女友人開零食，就邊行邊食返上七人車。
 (採訪、攝影：梁繼光、黃曉程) |  |  |
 男友人就拎咗一粒「大金莎」包裝朱古力畀超蓮研究 |  |  |
 超蓮頭戴黑冷帽同着住件黑衛衣及超短褲打扮 |  |
