馬國明今日現身荔枝角擔任聖誕歌唱比賽頒獎嘉賓，眼見小朋友表演，馬明大讚小朋友好有才華，本身冇抽獎運嘅佢，最鍾意節日就係聖誕節，因為交換禮物時一定有禮物收，佢仲記得收到第一份禮物係薯片。
聖誕將至，已經有客戶睇中佢同黃心穎情侶檔出席活動，馬明坦言唔會介意，即使是緋聞情侶檔出騷酬勞也會加碼，問到佢有冇準備好禮物畀心穎？佢話:「都要，未有時間買，留意吓對方近來有冇咩想要，好似之前我收過佢送記事簿畀我。」馬明自言平日唔會特別浪漫，留待某些特別節日便會做。
對於被睇好會攞視帝，佢就話一如往年平常心看待，因為獲獎要看天時地利人和，佢又笑指如果觀眾鍾意睇佢天然呆表情，佢都唔介意在鏡頭前再自然流露。
