唔少打工仔嘅願望係可以提早退休，做自己想做嘅事。可惜，喺人均壽命愈來愈長嘅「百歲時代」，莫講話提早退休，連想「準時」退休，打工仔都未必做得到。
據OECD最近一份報告指出，65歲或以上嘅打工仔2016年就業率分佈，喺唔同國家有明顯差距。以年齡介乎65至69歲嘅打工仔為例，喺亞洲地區嘅就業率為最高。舉個例子，印尼便高達50.6%；南韓和日本嘅情況亦差唔多，分別佔45%及42.8%。至於中國則佔36%，在區內算是相對較低，但仍比美國嘅31%高。
另一方面，喺西方國家，各國相關嘅比佔差距卻較為明顯。例如新西蘭，當地並無設立強制退休年齡，喺可以自由選擇幾時退休嘅情況下，65至69歲繼續打工嘅人佔近43%，但比鄰澳洲卻僅佔25.9%而已。歐洲更不用說，早年有政府提升了退休年齡，卻不太獲得國民支持，更爆發過示威作出反對。
所以喺歐洲，65至69歲嘅打工仔比佔普遍偏低，就如英國為21%，法國及西班牙更只得個位數，各佔6.3%及5.3%。
事實上，無人會想打辛苦工，延遲退休計劃，好多時係因為關係到生存嘅經濟問題，亦有部分人認為工作係生存意義之一，不甘因「夠歲數」被逼收山，趁自己仲有能力，便繼續做下去。無論係咩理由，背後原因只有一個，就喺想自己或身邊嘅人
