今個聖誕，小編朋友間辦公室迎來首個聖誕哀歌，就係講明聖誕假要裝修，將原本部門同事寬大的板間位，砍掉重練，變成幾張長到爆的豬肉枱。 唔難想像，叫得豬肉枱，其實即係好似屠房咁，同事分兩排對住坐，並且每個人與隔離位同事毫無阻隔地接觸，連塊板仔都無，非常透明地親密。

但其實公司變open，同事之間都唔會open。為咗減少同事間未來的透明度，呢班打工仔早就諗好晒對策。

1.將公司文件有咁高疊咁高，形成好自然的人造屏障。

2.諗住入公司行政數，人人入紙申請買防偷窺mon貼，謝絕同事斜睥偷睇電腦私密資料。

3.執定大塊紙皮，黐晒相片或memo紙放電腦後面，當作特色牆，實為遮住對面位。

4.買定口罩放枱面，一旦唔記得化妝就戴，費事隔離左右對面的男同事眼望望。

如果係你，仲有冇好招推介？