林志玲噚日喺高雄出席手錶活動，當然佢同言承旭復合嘅話題成為咗活動嘅焦點啦！
現場記者問到佢同言承旭情牽15年，係咪真係演上演一幕世紀大復合？林志玲就答得好保守喇，佢話：「剛聯繫的階段，其實和你們同步，是一個很好的轉彎。」追問佢係咪友人之上，但又未到戀人階段？她說：「我無法回答，言多必失。」
佢仲話兩個人走向同一旅程，一定要有時間相處、有空間互相了解，坦言對於佢哋兩個嚟講，時間都有點晚，希望時空能夠善待吓佢哋喎！而林志玲亦明白到時空係要靠自己創造，所以佢話：「我要傾聽心底的聲音，也盼大家給我多點空間。」
 林志玲同言承旭世紀復合一事，佢話言多必失喎！(台灣《蘋果》圖片) |  林志玲噚日喺高雄出席手錶活動。(台灣《蘋果》圖片) |  林志玲（後）同言承旭（前）上個月被目擊同去大馬文華東方酒店健身房。(資料圖片) |
