逾百位無綫藝員與幕後工作人員日前喺將軍澳電視廣播城出席「TVB職藝員聯歡晚宴2017」，資深演員陳榮峻趁機會喺台下同拍拖3年女友吳香倫跪地求婚。(相關新聞﹕http://bit.ly/2ArcWdq)


原來台上都有感動位，噚晚江美儀喺ig貼咗幾張當晚喺台上拉票嘅相，見佢好激動喊晒，原來佢係為自己演出嘅《親親我好媽》嘅嚴太角色拉票，李佳芯即攬攬安慰。美儀留言﹕「昨天站在台上拉票的時候，突然之間很激動，好想告訴大家，每一個曾經演出的角色，我都用最大的努力去演繹，為的就是希望大家喜歡和認同。如果你也感受到，請多多支持我，支持「親親我好媽」的嚴太，和「同盟」的Rainman！多謝你們！」


其實江美儀今年都經歷幾許風雨，一時傳佢火氣大，一時又話佢大家姐上身，拍《親親我好媽》時勁改劇本，最終搞到監製關永忠執包袱走人。(相關新聞﹕http://bit.ly/2kLXXUs)但最終部劇有好成績，都算係爭番一口氣。而唔少人都覺得今年「亞視幫」抬幫，除咗美儀有機會角逐視后外，田蕊妮同鮑起靜亦分別憑《迷》同《同盟》入圍。問到有冇信心攞女主角？江美儀今日回覆傳媒時話﹕「平常心啦，要天時地利人和，自己演出嘅時候盡咗力，收視又好，已經好滿足。當然，如果可以攞到就圓滿啦！」


咁今年仲有邊個勁敵？應該都要數早前憑《誇世代》奪「星和視后」嘅李佳芯，還有《同盟》嘅胡定欣、《不懂撒嬌的女人》嘅宣萱、仲有《溏心風暴3》嘅關菊英、李司棋、米雪同岑麗香都齊齊獲得提名「最佳女主角」。

(ig圖片)(ig圖片)越講越激動，身旁嘅翠如BB都以掌聲鼓勵。(ig圖片)
李佳芯仲攬住美儀安慰。(ig圖片)李佳芯同江美儀都有份角逐今年嘅台慶「最佳女主角」。(ig圖片)