方中信、鄭嘉穎、朱潔儀、鄧鉅明伉儷、蔡志明伉儷及家人等今晚出席保良局假會展舉行的慈善晚宴。
朱潔儀剛平伏喪親之痛，母親兩個月前因老人病離世，安慰的是母親離世時安詳，仔女們於身邊陪伴，而母親身後事已辦妥，但骨灰仍暫存放在殯儀館。
朱潔儀稱：「我哋一早喺爸爸骨灰位旁買咗個位，點知政府話規管私人骨灰場，由於未有發牌，所以我哋畀晒錢，都唔可以幫媽咪上位。」佢希望有關部門加快審批程序，免得影響先人無處容身。
鄧鉅明跟太太計劃聖誕節同家人到新加坡旅行，而留學英國嘅囝囝亦放假回港，鄧太指囝囝之前身在英國時都好自律聽話，每日都會視像傾偈，覺得囝囝唔似出外留學。另外蔡志明伉儷拍照完畢後，蔡太禮貌謝絕傳媒採訪，兩人便步入會場。
 朱潔儀剛平伏喪親之痛，母親兩個月前因老人病離世，安慰嘅係母親離世時安詳，仔女們於身邊陪伴。 |  但骨灰仲喺殯儀館，佢話：「我哋一早喺爸爸骨灰位旁買咗個位，點知政府話規管私人骨灰場，由於未有發牌，所以我哋畀晒錢都唔可以幫媽咪上位。」 |  |
