泰國電影《出貓特攻隊》威盡亞洲各地，女主角「超蓮」茱蒂蒙翠莎容素欣（Aokbab）同小鮮肉「賓爺」Non近日又獲邀到中國北京出席活動，噚日二人於愛奇藝尖叫之夜，獲大會安排同范冰冰同台，原來賓爺都係國際范粉絲，騷後仲喺微博用英文留言話：「Bye bye world. I can die without worry now...」仲貼埋合照。今日，賓爺同媽咪趁機四出遊覽，仲上埋長城玩直播。
《出貓》於大陸票房高逾2.7億人民幣，為Non打開大中華市場，仲成為泰國炙手可熱嘅人氣偶像。導演納塔屈彭皮里亞（Nattawut Poonpiriya）講過電影係改編自真人真事嘅作弊個案，事件嘅兩宗原形個案分別來自2014年10月及2015年5月，而且出貓主角同為中國人，據資料指出呢啲中國考生都如片中一樣，利用時差來越洋作弊，有人專登飛到澳洲、泰國及新加坡等地出貓，不過最終都係被取消考試資格。
 《出貓》大陸票房高逾2.7億人民幣 |  超蓮、賓爺於盛會上同范冰冰同台 |  賓爺留言仲話見到范冰冰可謂死而無憾 |
 賓爺今日登長城 |
