周柏豪、莊思敏、錢小豪同15歲細仔錢穎德、錢嘉樂同老婆湯盈盈、張崇德一家四口等今日喺中環出席「電動方程式賽車」，柏豪一身賽車手服裝駕駛住Formula E，喺賽道揸咗兩個圈，事後佢話：「好正嘅經驗，發夢都冇諗過，平時都會同樂隊樂手去珠海練車。」老婆有冇擔心，柏豪表示：「永遠出門口佢都叫我小心，我話係玩啫，拍攝，我好節制。」
問老婆有冇俾平安符？柏豪話：「年頭已經放咗喺銀包，因為我今年犯太歲，袋咗就屋企人安心，所以要互相尊重；不過頭先有少少碰撞，喺第3個彎撞到防撞欄，好彩冇整到人哋架車，冇阻礙到賽道，仲可以自己揸番嚟。」
上年有份落場嘅莊思敏，佢指今年因為取消房車比賽，所以淨係嚟欣賞賽事。平時有到珠海練車嘅佢，駕駛技術會唔會好「辣」？佢笑住話：「係安全，反而識賽車嘅人會小心，知道好易發生意外，所以喺道路上更要小心，我希望香港有賽車場，偏遠啲都唔介意，因為可以帶旺旅遊業同香港經濟。」
 (攝影：陳俊強) |  周柏豪有份落賽道揸咗兩個圈，佢話發夢都冇諗過。 |  |
 錢嘉樂拖實老婆湯盈盈一齊現身，好恩愛。 |  錢嘉樂、錢小豪同吳家樂都有帶屋企人出席。 |  張崇德一家四口 |
 苟芸慧 |  莊思敏 |  連詩雅 |
