邵音音原名倪小雁，係70年代嘅性感艷星，憑《野．良犬》及《打擂台》兩度奪得金像獎最佳女配角。邵音音於2012年在電影《低俗喜劇》中飾演自己，人氣再度爆升，故事講述「暴龍哥」（鄭中基飾）自細就好迷戀邵音音，邀請佢復出主演《官人我又要》，結果就由杜惠彰（杜汶澤飾）監製，「爆炸糖」（陳靜飾）負責露肉演音音姐身體，音音姐就key番個頭上去。呢部片更令鄭中基同陳靜分別奪得「最佳男配角」同「最佳女配角」。
得知音音姐承認患癌，陳靜都好擔心，亦立即以短訊聯絡音音姐了解，DaDa之後回覆《蘋果》：「她早就知，不提罷了。希望音音姐過得好，長命百歲。」
杜汶澤就稱﹕「我個空手道師傅倉田保昭都係音音姐介紹我識，我空手道師父倉田保昭都係音音姐介紹我識。我同音音姐合作咗好多部戲，我認識嘅音音姐係樂天知命、樂觀，大情大性嘅人，通常抗癌最緊要個人夠樂觀，心理好緊要，我覺得冇問題，音音姐應好容易戰勝病魔。」
同樣與音音姐合作無間嘅彭浩翔原來一早知道音音姐患癌，他稱：「音音姐有咗Cancer好多年，當初識佢已經有，所以大家唔好過份驚訝先，一路有住呢個病，佢都叫我哋唔特別安慰佢。」
此外，鄭中基剛回覆話﹕「都好愕然，佢平時好活潑，冇提過有唔舒服。不過既然佢想靜靜哋，我覺得都要尊重返佢，希望佢有需要幫忙就出聲，唔好屈住，大家都好支持佢！」
 |  《低俗喜劇》令陳靜人氣急升，也是音音姐回歸影壇重炮之作，成績斐然。 (資料圖片) |  仲揚威金像獎添！(資料圖片) |
