雲海今日喺facebook爆料指，約10年前，商台內有多位女同事被某男高層性騷擾，向高層反映後卻不受理亦冇報警（新聞連結：http://bit.ly/2AhGYz2
），商台DJ出身嘅森美今晚出席品牌活動時，指自己未曾聽過性騷擾事件：「我喺商台20年，未曾聽過商台高層性騷擾女同事，自己聽到都愕然，因為喺我個部門（二台），其實大多數都係女人，高層都係女人，就算二台以外，好似都係得一個總經理係男人嚟，對方嘅名聲都幾好，所以自己都好愕然，我都感到我個位上面可能有外星人坐過，自己都好驚訝，因為雲海之前爆過血管，自己都有問候過對方，唔知係咪因為爆血管影響。」
講到其實性騷擾冇分男女，森美坦承：「係呀，不過男士被性騷擾好難話俾人聽，自己咁耐都冇試過，就算同啲friend講，可能啲friend都會話我『執到啦！』如果小儀係我上司，佢叫『俾我攬吓啦衰仔』，被佢攬完，都要忍咗佢。當然如果被性騷擾，就要行出嚟，通常男性都唔夠膽話俾人聽，好慶幸我自己唔係高層，所以唔使成為被人懷疑嘅對象。」
 （攝影：仇志德） |  對於雲海（小圖）爆商台有性騷擾事件，森美表示冇聽過。 |  佢又話萬一係男性被性騷擾，通常好難開口。 |
