陳嘉寶(Anjaylia)今晚就喺中環出席時裝活動，新婚一個禮拜即投入工作，佢就話：「好攰，好多外地朋友、台灣朋友出席婚禮，婚禮之後，即刻去船P打邊爐唱K直落，去到第二日6點冇瞓，二人世界都係忙緊執屋，同埋無honey moon，亦都唔會安排，所以先生都好好，我自己係一個唔浪漫嘅人，佢都冇炸形，大家工作平時時間好浮動，拍拖工作時都去過好多旅行。」


提到好友何雁詩傳喺佢婚宴「發酒癲」認單身，佢就表示完全冇聽過：「冇見過呢個畫面，我婚禮上好多人喊，陳瀅、陳凱琳都輪住喊，我化妝師安排我女神周慧敏錄咗一段祝福我片，自己睇完都喊。」問到有無覺得何雁詩情緒波動，佢就話：「我見親佢都笑，最近有update過佢，都冇嘢，幾星期前先見過，亦都知道佢應該唔係單身，仲係好穩定。」





(攝影：仇志德)Anjaylia仲話見親何雁詩都笑