今年28歲嘅陳瀅，自細喺加拿大溫哥華生活，讀完大學之後回流返嚟香港做模特兒，去到14年同一班年青女藝人一齊接拍大台嘅《女人俱樂部》，飾演一名80年代嘅得戚校花，亦係陳慧珊角色嘅少女版，憑住呢個角色，令到觀眾開始認識佢。


自此之後，陳瀅就開始咗拍劇生涯，15年一套《四個女仔三個Bar》，令佢提名大台嘅最佳女配角，雖然最終冇拎到獎，但係就令到佢喺16年嘅《全職沒女》中擔正做女主角之一。


事業咁順利，而且仲喺起飛當中，唔知係唔係因為咁，所以陳瀅都好少緋聞，不過如果有拖拍的話，陳瀅都好大方會認，好似之前佢同賭王之子何猷亨咁，陳瀅深得四太歡心，仲一齊食飯，不過兩人最終拍拖大半年後分手，分手後陳瀅仲返番加拿大散心。


一段戀情嘅結束，就係另一段戀情嘅開始，話說陳瀅同猷亨分手之後，好快就有新緋聞傳出，陳瀅被影到孖好姊妹劉佩玥到有「翻版方力申」之稱嘅衣架大王劉璜之子劉德俊喺九肚山豪宅密會，後來爆出男方失婚兼育有一女，戀情見光即玩完。同衣架大王個仔玩完，就輪到傳與「正版方力申」拍拖，不過陳瀅似乎一路對同猷亨呢段情放不低，有好幾次出席活動，陳瀅都牽動舊情，不過，上月出席活動時被記者問問到佢會唔會復合，佢就話：「呢刻唔會，我哋間中有約食飯，保持朋友關係舒服啲。」（新聞連結：