石詠莉今日喺新城宣傳新歌《再見一面》兼客席主持，下月29日做人妻嘅佢，話冇特別心情緊張，未來老公鄧建泓不斷操fit，石詠莉反而因此有壓力：「佢生活又檢點，又唔老喎，真係唔公平，大我12年之嘛，好過份，好似後生過我，o依家佢好fit，頭都細咗。」佢哋生活咗5年，大家互相磨合相處，佢笑話對方鍾意整潔，自己不需要做太多家務。