許鞍華（Ann）憑主旋律片《明月幾時有》角逐今屆金馬獎最佳導演，佢今晚出席金馬獎入圍酒會時，被提到如果今次成勁獲獎，就會係首位4度獲頒最佳導演獎嘅人，刷新紀錄。


Ann坦言今次心情唔同，因為舊年做評審，今年就被提名，但佢覺得自己其實做評審會恰當啲，因為佢鍾意睇戲。而Ann亦趁住上台時，乘機多謝參演嘅葉德嫻（Deanie）同其他演員，全因「估計自己上台多謝嘅機會未必大」，換句話講，Ann睇淡自己嘅得獎機會。


點解要特別多謝Deanie姐，其實有段古，話說《明月幾時有》係套大陸資金嘅電影，更被欽點為獻禮香港回歸20周年嘅作品，但隱隱浸出香港人抗爭嘅意味，Ann大膽起用曾經喺14年唱過雨傘歌《撐起雨傘》嘅Deanie姐，雖然宣傳電影時，刻意低調曝光，但明顯喺戲中，Deanie姐先係真正女主角。（新聞連結：http://bit.ly/2hOInTa）


姑勿論Ann係謙虛定杞人憂天，打定輸數冇獎攞都好，佢咁樣公開多謝Deanie姐，其實都已經贏咗（港人嘅心）。

（左圖攝影：仇志德）許鞍華暗示對得獎信心不大佢仲趁機感謝葉德嫻等演員