第54屆金馬獎頒獎典禮將於下星期六喺台北國父紀念館舉行，香港方面nowTV嘅衛視電影台會直播金馬獎，至於ViuTV方面雖然冇直播，但佢哋娛樂主播會飛去台北採訪當日盛況，並安排喺娛樂新聞時段播出。

今年舒淇憑《健忘村》跟《相愛相親》嘅張艾嘉及《血觀音》嘅惠英紅等一齊爭金馬影后寶座，而黃渤就憑《冰之下》跟《擺渡人》嘅金城武及《相愛相親》嘅田壯壯等爭影帝。